1879 թվականի նոյեմբերին Երևանի նահանգապետի և Կովկասի ուսումնական Օկրուգի հոգաբարձության բանակցությունների  շնորհիվ   Ալեքսանդրապոլում  ստեղծվել է իգական պետական տարրական դպրոց (պրոգիմնազիա), որն ունեցել է 18 աշակերտուհի։ Դասավանդումն իրականացրել են յոթ ուսուցիչ, ուսուցման լեզուն՝ ռուսերեն։ 1885 թվականին դպրոցի տնօրեն է նշանակվել Օլիմպիադա Բոգդանի Անդրեասյանը։ 1890-1900 թվականներին դպրոցում դասավանդել են Ղազարոս Աղայանը, հայտնի մանկավարժներ Տեր-Գևորգովան, Տեր-Ակոպովը։

1905-1906 թվականներին պրոգիմնազիան դարձել է գիմնազիա և ունեցել շուրջ 376 աշակերտներ, այդ թվում՝ հայեր` 239, ռուսներ` 127, այլ ազգի ներկայացուցիչներ` 10։

Գիմնազիայում սովորել են ազնվականների և առևտրականների աղջիկներ` 10, պատվավոր քաղաքացիների ու աստիճանավորների` 98, քահանաների` 13, քաղաքացիների ու արհեստավորների` 107, գյուղացիների` 10, այլ զբաղմունքի տեր մարդկանց` 44 երեխաներ։

Դպրոցի ներկայիս շենքը կառուցվել է Նիկոլայ ցարի և համայնքի կողմից հանգանակված միջոցներով։ Այս շենքում դպրոցը գործում է 1912 թվականից։ 1920 թվականին գիմնազիան դարձել է երկրորդ աստիճանի երկսեռ ուսուցմամբ միջնակարգ դպրոց։ 1930 թվականին դպրոցը համարվել է «օրինակելի դպրոց», որտեղ մանկավարժները վարձատրվում էին 25-% ավելի, քան տեղական մյուս դպրոցները։

1937 թվականին Ալեքսանդր Պուշկինի մահվան 100-ամյա տարելիցին դպրոցն անվանակոչվել է բանաստեղծի անունով։

1988 թվականի երկրաշարժից հետո երբեմնի համբավ ու հաջողություններ ունեցող դպրոցը գոյատևում էր վրանային պայմաններում, որին հաջորդեց  տնակային դպրոցը: Շուրջ     տարի   դպրոցի և՛ ուսուցչական, և՛ աշակերտական  կոլեկտիվները ստիպված էին անցնել բազմաթիվ դժվարությունների  ու  խնդիրների միջով և պայքարել հանուն կրթության, գիտության և վաղվա լուսավոր օրվա: և թվականից դպրոցում սկսվել է ռուսերենի խորացված ուսուցում։ 2001 թվականին դպրոցը վերականգնվել է։ ՀՀ և ՌԴ ֆինանսական աջակցությամբ դպրոցն ունի երկու մասնաշենք։ 2001 թվականին դպրոցում ստեղծվել է համակարգչային սենյակ։ 2015 թվականի տվյալներով դպրոցում սովորում են 563 աշակերտներ, դպրոցի 2-9-րդ դասարաններում իրականացվում է ռուսերենի խորացված ուսուցում։